قصة ساندريلا باللهجة الفاسطينية

قصة ساندريلا باللهجة الفلسطينية

بسبب القصف الاسرائيلي
انقطعت الكهرباء عن بيت ابو فايك
وطبعا ما في اشي يتسلوا فيه
لأنو التلفزيون ما بشتغل بدون كهربا
فايك كال لابوه يابا احكيلنا كصه حلوه
عشان نتسلا ونضيع الوقت
لاني بصراحه طفشان وطلعانه روحي
ابو فايك كال لابنه فايك طيب روح كول لامك تستعجل
وتعمل الشاي
ونادي على فيكون وفيكونه
عشان يسمعوا الكصه معاكم
اجت ام فايك حامله صينيه فيها ابريك الشاي والكبايات
وصبت الشاي الها ولابو فايك وللاولاد
وكعدوا حوالين ابو فايك عشان يحكيلهم الكصه
شرب ابو فايك رشفه من الشاي اللي بالميراميه
وجلس كعدته
وقال يا ولاد ما بيحلى الكلام الا بذكر سيد الانام
سيدنا محمد عليه الصلاة والسلام
اسمعوا يا ولاد بدي احكيلكم قصة سندريلا
كان يا مكان في كديم الزمان ثلاث بنات
بشعات ومش حلوات ساكنات في قصر
وكان لهذول البنات اخت من مرت ابوهم
وكانت يتيمه لانه امها ماتت لما ولدتها وكانت حلوه
متل فلكة الكمر الله وكيلكم
بتكول للكمر انزل عشان اكعد محلك من كتر ما هي حلوه
وكانن خواتها اللي مش من امها بيكرهوها وبغارن منها
وكانوا يشغلوها شغل البيت كله من كناسه ومسح
وفي يوم من الايام
الاميرعمل حفله وعزم عليها كل اهل البلد
وطبعا البنات التلاته لبسن وترستكن على آخر طرز
ومسكينه سندريلا كالتلهم طيب خدوني معكن عل الخفله
كالولها انخرسي وانكسحي في البيت ونظفيه منيح
عبن ما نرجع هاي الناكص ناخدك معنا
كعدت سندريلا تبكي وتندب حظها المشحر
وفجأه طلعتلها ساحره
خافت سندريلا وكالت بسم الله شو هاظ ومين انتي ؟
كالتلها الساحره ما تخافي يا بنتي
انتي جاي على بالك تحضري الحفلة ؟
كالتلها سندريلا ايوه بس كيف بدي اروح ؟
وما عندي اواعي البسها شوفي اواعيي مزعه ووسخه
كالتها الساحره ولا يهمك هاتيلي فستان من عندك
جابت سندريلا فستان واعطته للساحره
كامت الساحره وضربت الفستان بعصايتها
وصار الفستان آخر طرز وكالتلها اعطيني ببوجك
اعطتها سندريلا البابوج وضربته الساحره بالعصاي
صار جديد
كالت الساحره لسندريلا البسي بسرعه وارمحي ولحكي الحفله
بس ما تتاخري اكتر من الساعه طناش
لانه بخلص مفعول السحر
وبرجع كل شي متل ما كان ديري بالك وما تنسي
كالتلها سندريلا طيب
لبست سندريلا الفسطان والبابوج وراحت جري عالكصر
وشافها الأمير وحبها وركصو سوا
وفجأة دكت الساعة طنعش
وجراي وصارت ترمح وترمح ووكعت ببوجها عالدرج
سندريلا راحت عالبيت
واتمنت لو انو الساعة ما دكتش على الطنعش
بس شو تسوي بحظها المشحر
مثل حظ هاظا الشعب
الأمير حط فردة البابوج على مخدة
يمكن لونها زركة أو نهدي
المهم صار ينادي بالصوت على كل البنات
عشان يكسن البابوج
كل البنات كسن إلا سندريلا
سندريلا نزلت على الساحة ومعها فردة البابوج
وحطتها على المخدة
الي عليها الفردة الثانية
ولما كربت عشان تكيسها ضربها الأمير كف
وحكالها: وين جاي يا هبلة ؟
حكتلو: يقطع وجهك ما أزنخك
مش شايفني بدي أكيس البابوج
حكالها: وحدة مثلك كيف بدها تكون زوجتي ؟
حكتلو: هسا بفرجيك وأحط على عينك
ولما اجت تكيسها
ما طلعت كد اجرها
لأنها كانت ورمانه من كثر الشغل
ويا حرام ما حدا صدكها
وانجنت المشحرة ودارت في الشوارع
والأمير اتزوج غيرها
وحكى
لوينتا بدي أظل ادور عليها
الله لا يردها
وخلصت الكصه
وتوته توه خلصت الحدوته
المهم
عجبتكم اللهجة الفلسطينية ؟